Pagina:Il vespaio stuzzicato.djvu/154

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Sò ben che giera mi tant'altarela,
     Che molto ben la giera insemenia.
     Adesso mo spazzar la se voria
     200Per latuga zentil, d'Horto novela.

No' disela d'haver vintido ani?
     Eh la ghe n'hà ben più de vintinove.
     Quando vorè, ve daro ben le prove:
     204Ve caverò ben presto de sti afani.

Mi no' cerco sta cossa: in ogni modo
     Ne' la xè vechia: el s'hà da compatirla,
     No' me ste più a stornir; voleu compirla;
     208Cesseu mai più de martelar sto chiodo?

Questo xè un bel'humor, ch'habiè per uso
     De crescer ani a tute! E vù che feu?
     Seu ladine cussì? ve ne meteu
     212Mez'un gnanca de più? Diselo suso.

Sò ben che, se qualcun mai ve domanda
     L'età, che havè, disè de no' saverlo.
     Per vù sto conto no' v'importa haverlo,
     216E per altri l'havè? Questa è ben granda!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/154&oldid=62810"