Pagina:Il vespaio stuzzicato.djvu/155

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Sò che disè, che, co' sè andà a Mario,
     Dodese havevi, o tredes'ani apena:
     Ma, se no' fala in contizar la pena,
     220Ghe ne lassè ben'oto, o diese in drio.

Se fusse in vù, vorave dir più tosto,
     Che de l'altre l'età no' n'è mai tanta.
     Come farave a dir, s'una hà quaranta,
     224Diria l'hà trenta, e daria fen al'Hosto.

Cussì comun sarave el beneficio:
     Perche, dovendo andarghe al parangon,
     No' la me pareria bona rason
     228El farla vechia, e farme un pregiudicio.

Cussì laudar me agradiria el costume,
     La modestia de l'altre, e la belezza:
     Perche, usando cussì sta discretezza,
     232Mio, per reflesso, anca saria quel lume.

Ma vù no' la intendè. Pur che ala pezo
     Dè zò le stafilae, toca a chi toca,
     No' ve curè d'insanguenar la boca,
     236Ne de tegnerve in fren mai ghe xè mezo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/155&oldid=62811"