— Bepo, cosa te pâr de i muralioni? 1 —
— Cáspita, no te vedi? un bel laöro.... —
— Eh! belo, sì, ma ’l costa anca 'n tesoro;
Più de meza donzena de milioni».
— L’è vera; i ghe n’à speso, sì, de i schei,
Ma spesi ben. E po’, tuto somado,
El debito, sta chieto, el vien pagado
Da i posteri. —
— Dai posteri? cos'ei? —
I’è quei che nassarà da i nostri fioi
E dai nostri neödi.... Sissignon:
El vantajo lo gòdeli anca lori?
Dunque che i bota fora anca de i soi.
Quando a l’alba sonè l'Ave Maria
Subito me desmissio 3; ascolto atento
I so quindese boti, e in un momento
El cor el me se slarga 4 d'alegria;
Che ogni colpo che bate el para via
I bruti sogni che ghe ruma drento 5
E, se da novo, m’indormenso, sento
Ancora de quei boti l'armonìa.
Sonè, dunque, campane;.... è poesia
Che i batocoli vostri i spande al vento
Là in alto, fra le pàssare, che pia;
Sonè fin che podì, no me lamento:
Sonè quel che volì 6 mi son contento....
Ma no sonè da morto o da angonìa.
Giovanni Veronesi
- ↑ Tutti sanno come, dopo la disastrosa innondazione del 1882, si pensasse al lavoro colossale di arginare l'Adige.
- ↑ Sant'Eufemia, la bella Chiesa rifatta nel 1275, consacrata a parrocchia nel 1331, ebbe compiuto il Campanile nei primi del 1500.
- ↑ mi sveglio.
- ↑ mi si allarga il cuore.
- ↑ mi turbano l'animo.
- ↑ suonate ciò che volete, ciò che vi pare e piace.
