Pagina:I sogni.djvu/203

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



4.


La so testa sonèa1 la piassè grossa
bocia de anguria mal maurada in tera,
che la porta le plache de la lossa.2
Do gran recione a la carabiniera

sora un naso girevole a cerniera
e 'na bocassa che faseva angossa:
oci de fogo, segie3 de pel mato,
eco Bartoldo e 'l so più bel ritrato!

5.


E pur drento a sta anima vilana
scolpida da un birbante de scultor,
gh'era un vagon de inteligensa sana,
insucarà de spirito inventor —

che anca davanti a un re, a un imperator,
ben o mal che sonasse la campana,
el Bartoldo vilan, ma furbo e forte
l'era bon de zugar galine e corte!

  1. sonèa: sembrava
  2. lossa: terra umida
  3. segie: ciglia
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/203&oldid=66609"