Pagina:I sogni.djvu/202

2.

Gh'era in aria un cìo cìo de primavera,
che meteva in boresso tuti quanti;
ci vestiva una giaca più ligiera
e ci andava descalsi e sensa guanti;

i albari metea fiori galanti,
su i castei sventolava la bandiera,
e Bartoldo anca lu come da un vaso,
butava fora brufoli¹ sul naso...

3.

Par combinar la ghigna de sto omo,
ah! no convien 'conomisar parole,
che çerti mostri sul portal del Domo,
j-era in confronto suo gropi de viole;

la so pele parea fata a spongìole
che j-è quei fonghi che vien zò da Como,
e le mane bison che te le cubi²
al bruschineto che se neta i tubi...³

1. brufoli: foruncoli
2. che te le cubi: che le paragoni
3. tubi: i tubi della lucerna.