Sta pagina la xe stà trascrita, ma la gà ancora da vegner rileta.
XXXIII.
ZIOBA GRASSO
«Papà, gò fame!» ― «(Xe da geri sera
Che no se magna: ventitrè ore intiere...)»
― «E cossa vustu che ve daga, piere?
Vendemo qualche cosa... la caldiera!...»
— «Ma, e cossa vustu vender più? Le vere,
E l'orologio, i xe in Cale Fiubera...
Te ricordestu, Toni, co se gera
In boni stati? E per le to maniere...»
— «(Permesso?» ― «Avanti.» ― «El cavalier Dal Forno,
Nostro caro paron, el me gà dito
Che per doman slogè de quà... Bonzorno)!»
― «Ti pianzi? Porta al Monte anca el stramasso...
«E tolèmo?» ― «Polenta e pesse frito;
Zo, alegra, Nina, che xe zioba grasso!...»