Sta pagina la xe stà trascrita, ma la gà ancora da vegner rileta.
XXXII.
EL CARNEVAL
'Na volta si che el gera Carneval
Co i fava de le bele mascarae;
Ma adesso, co ste quatro piavolae,
Venezia par de mati 'n ospeal!
'Na volta no l'andava cussì mal
Come adesso, ma megio, megio assàe;
No ghe gera ste tasse, e ste porcae
Sui fulminanti, su l'asèo, sul sal....
Alora ognun gaveva el menarosto;
Adesso ghe xe el fumo, un fumo can:
E i ciodi e i puf che 'l ve li diga l'osto...
Divertirse? La xe 'na roba seria:
Quando ghe xe chi sofre e no gà pan,
La par squasi 'n'ofesa a la miseria!