Carlotta.
Ma via, andemo, me conossè, savè che mi no ciacolo, che no ghe xe una dona più segreta de mi.
Bettina.
Quasi quasi... Cossa disela siora Nene?
Nene.
Za, o presto o tardi, la se ne incorzaria anca se tasessimo.
Bettina.
Ma la me daga parola de tàsar anca cola parona.
Carlotta.
Eh! De diana! me voleu far sgangolir dala curiosità?
Bettina
con aria di mistero.
Ghe diseva dunque paronçin a sior Ubaldo, perchè xe abastanza ciaro, xe noto digo... se vede... cola parona... Me màgnela?1
Le fa dei gesti per spiegarsi meglio.
Carlotta
meravigliata.
Eh? Oh?
- ↑ Me màgnela?: cioè: mi capisce?
