Carlotta.
Me par che gabiè morbin ancuo. No se pol saver chi che xe sto paronçin?
Nene.
Sior Ubaldo el xe.
Carlotta.
E percossa ghe diseu paronçin?
Bettina.
Eh! Se intendemo nualtre!
Nene.
Basta, tasè; no femo ciacole perchè no se ga da metar mal de nissun.
Carlotta.
Ma chi ga da capir sto gergo?
Nene.
No digo gnente. No vogio che dopo i diga che se ghe vol mal...
Orsolina.
O che se ga invidia...
Bettina.
O che se vol vendicarse.
Pausa.
