Orsolina.
Se lo vede come do e do fa quatro; e po' mi gavaria quasi una prova; ma no vogio parlar.
Carlotta.
Andemo! Cossa ghe entristu ti in ste cosse? Ma me la contè ben granda! Co’ quel aria che la ga...
Nene.
Co' quela ganga de mincionar tuti...1
Bettina.
E cò quel pofarbio2 de comandar a tuti e de s'ciafizar le serve!
Carlotta.
Ah! Buzareti! Ah! Cospeton! Dove xela siora Rosa?
Bettina.
La xe serada in camara, adesso la andarò a ciamar. Ma, la diga, la me ga dà la parola, sala!
Carlotta.
Eh! No son miga una putela, sastu!
Bettina esce.
