Tuto xe belonazzo, ma i m'à dito
Che una Caneva gh'è superbonazza
Dove che ghe xe drento de pulito,
Boca che vustu, e che in tel vin se sguazza.
Osserva adesso el Campaniel fornito
Da pute che se gode e se sbabazza.
Osservano lassuso quele do,
Che din don din, din dan, fa campanò.
Fano gran festa perchè son tornala
La compagna che avevano smarìa,
Come giusto el pastor quando à trovata
La piegorela ch'era andada via.
Vedano più de tute consolata
La Pasqualiga ch'è so amia, zia,
Munega veramente religiosa,
Dama de tuto ponto e vertudiosa.
Confesso che un piacer si raro e strano
Ogni maggior divertimento avanza.
Bello è sentir col barbaro toscano
L'idioma Venezian far mescolanza;
Bellissimo è il goder di mano in mano
Piantata una solenne sconcordanza,
E sentir a chiamar la vergin pia:
La piegorela che gera smarìa.
