Pagina:Collezione delle migliori opere scritte in dialetto veneziano 8.djvu/84

Che in casa el semena
     Tuto el so amor,
     Nè mai ghe palpita
     De fora el cuor.
Sto mio preambolo
     Sacro, divin,
     Che loda el merito
     De sior Tonin,¹
Ometo energico
     Per el passà,
     Benchè de spisima
     L'aspeto el ga,
Con magior titolo
     Andando in su
     Del primo stipite
     A la virtù
El fa l'elogio
     De sior Bastian,
     Vechieto intrepido
     Robusto e san,
Che a la so tavola
     Fiorenti e vive
     L'à isto cresserse
     Ste care olive.
E ne i dificili
     Tempi d'adesso

1. Padre della Sposa.