Pagina:Collezione delle migliori opere scritte in dialetto veneziano 8.djvu/75

Sta pagina la xe stà trascrita, ma la gà ancora da vegner rileta.

     Trovo grazia, trovo spirito,
     Gentilezza e zoventù.
Vu se' un bocolo de Magio
     Se' una rosa da zardin;
     No ve adulo, ma se' proprio
     Un capeto soprafin.
No se' granda, no se' picola,
     Ma se' quelo che convien;
     Da quei ochi luse l'anema
     E traspira un cuor seren.
Se' una cossa delicata.
     Fortuna quel mio zerman!
     Tardi sì, ma ti l'à fata,
     Piero mio, da cortesan.
Per ti Amor l'à fato grazia
     E la benda el s'à levà,
     Ma gh'è in mezo una disgrazia
     Che la Musica nol sa.¹
Povareta! solo in questo
     Me destè la compassion;
     Piero bravo in tuto el resto
     L'è mo nato campanon!
Note e zorno vu podè
     Su quel cembalo pestar

↑ Viene rimarcata questa circostanza come una vera disgrazia per la Sposa ch'era brava filarmonica.

[1] Viene rimarcata questa circostanza come una vera disgrazia per la Sposa ch'era brava filarmonica.

1