Pagina:Collezione delle migliori opere scritte in dialetto veneziano 8.djvu/76

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Che mai certo arivarè
     In quel marmo a penetrar.
Se dal ton de l'alafà
     Vu trè un salto in elamì
     Lu quel salto aproverà
     Che nol sa più de cussì!
Oh misteri impenetrabili!
     De spiegarli chi xe bon?
     Con un cuor tanto sensibile
     L'à da nasser campanon!
Ma in sto zorno d'alegria
     No lo vòi mortificar;
     L'è po un fiol de tanto merito
     Che ghe posso perdonar.
Za po in fondo senza Musica
     Se pol far el so dover,
     Nè se pensa al clavicembalo
     Ne i momenti de piacer.
Sul putin che nasserà
     Mi no so mo cossa dir,
     Che se mai son cogionà
     Me despiase de mentir.
In sti tempi malinconici
     Semo zogo del destin,
     L'omo probo va in desmentega
     E dà suso el berechin.
Donca a monte i vaticinj;
     El sarà quel ch'el sarà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_8.djvu/76&oldid=55273"