CONTRO LA TRAGEDIA
Voleu saver come se fa a tradir?
Brameressi mazzar vostro sior pare?
Odiar voressi vostra siora mare
4Senza che mai v'avessi da pentir?
Veder voleu come se fa a morir
Per no più soportar vicende amare?
Inclineressi a far che da le bare
8L'ombre le ro razon vegnisse a dir?
Ameressi formar una congiura
Contro uno al qual gavessi obligazion?
11Ve insegnerò la strada più sicura:
A la Tragedia andè. Tuta sta union
De cosse che fa fremer la Natura
14La xe d'ogni Tragedia e 'l belo e 'l bon.
