LA MISERA CONDIZIONE DELL'UOMO
Chi podesse pesar su la balanza
Tuti i afeti umani e le passion,
E tegnir una esata anotazion
4De i gradi de dolor e d'esultanza,
Vederàve che sempre i primi avanza
In peso, in forma e in continuazion;
E che pesa del mal più l'opinion
8De quelo che ogni ben pesa in sostanza
Se, per esempio, ve sovrasta un dano
Che realizà ve riduràve a morte,
11Ma che se sfanta e rende el timor vano,
L'è un gran piacer, xe vero, una gran sorte,
Ma col confronto del soferto afano
14No gh'è comparazion, xe el mal più forte.
