Pagina:Collezione delle migliori opere scritte in dialetto veneziano 5.djvu/68

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Maledeti quei godiù
     No li vogio sentir più:
     Che i li fazza via de qua
     Ma da mi no ghen sarà.
     Mi no magno altro che Osei,
     140Ma i xe quei,
     Co i ghe piase.... Cossa oi dito?
     Co i ghe piase? Che dimande!..:
Eco qua che i porta in tola;
     Le se comodi, Signori,
     Le se senta tuti quanti;
     Via, Comare, feve avanti,
     Là vicina al Sior Zaneto.
     Ela po, Siora Mariana,
     Me la vogio sempre arente....
     150Oh la toga.... gnente, gnente,
     No ghe bado, la li magna:
     La li magna che i xe boni;
     I xe quarti de Frisoni,
     Ben conzadi,
     Cusinadi
     In paela
     Co garofolo e canela,
     E co questi i ga conzà
     Un bocon de pan tagià.
160Questa xe la mia menestra:
     No gh'è risi, no gh'è bisi;
     No gh'è vena, no gh'è lente,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/68&oldid=62164"