LXXIX
Nineta bela da mi tanto amà
Quei to biondi Cavei desfeme fora,
No me far più pensar, lassa che un fià
4Sti ochi de desfama e se restora.
Quela nuvola d'oro sparpagnà
Su quele carne, oh Dio! co' le inamora!
Oh spetacolo! oh scena che al cuor va,
8E me lo buta tuto soto sora!
Ah! loga, loga via quei Cavei biondi,
Che no posso star saldo a sta batuda,
11Basta, Nineta, basta, scondi, scondi.
Ah! che i xe tropo bei! Tropo el deleto
Xe che sente sto cuor! Vardeme, cruda,
14No ghe resisto più, vago in broeto.
