Pagina:Collezione delle migliori opere scritte in dialetto veneziano 4.djvu/90

Da Wikisource
Sta pagina la xe stà trascrita, ma la gà ancora da vegner rileta.
LXXVIII


Ogni anemal de la defesa soa
     Xe sta fornìo, co l'esser Dio gh'à dà,
     Chi peada, chi sguilza, e chi se snoa,
     4E chi ongie, o sgrinfe, o corni, o denti ga;

Chi cor, chi salta, chi svolazza, o noa;
     A l'omo de giudizio el gh'à dà un fià,
     (E mi anca lo go perso a causa toa)
     8E a la dona belezza el gh'à donà.

Bel color quela à bu, questa ochi bei,
     Chi bel sen, chi bel lavro de coral,
     11E ti? e ti quei belissimi Cavei.

E ti, ingrata, a sta schienza de favor
     Ti te ne servi nome a far del mal,
     14Come ti à fato co sto gramo cuor?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_4.djvu/90&oldid=62119"