LXIV
Come in vertù dei soli so Cavei,
Che le forze ghe dava e le fierezze,
Sanson ga fato quele gran prodezze
4Del Tempio, del Porton, dei Filistei;
Cussì in vertù de le so sole Drezze,
No del so viso, o dei so ochieti bei,
M'à venzo Nina, e adesso in pianti e oimei
8Me tien sepolto vivo, e in amarezze.
Ma po tosar co' s'à lassà el minchion,
De forze e fià no gh'è restà bavèta,
11Da gnente in soma no 'l xe stà più bon.
Squasi voràve farghe anche a Nineta
Quel che ga fato Dalila a Sanson;
14Ma oh! quanto pianzerìa po sta vendeta!
