LVII
Vedo in quel camarin, dove a conzar
Ti te va, Nina, un gropo de Amoreti
Svolar, che 'l par un chiapo de oseleti,
4E fra mi digo: cossa vai mo' a far?
Entro, e li vedo persi a rancurar,
Atenti che mai più, fin i pezzeti
Dei biondissimi to bei Caveleti,
8Che sparpagnai per tera i sa catar;
E po, invece de corde, armar de quei
Vedo ognun el so archeto per ferir
11Chi ghe capita, e farghene sbrinfei.
Mi che ò provà el valor dei to Cavei,
Go credesto deposta de morir
14Da la paura de quei beconèi.
