LIII
Se Mida, quel notissimo minchion
Che à prega Baco per el so malan
Che tuto quel che 'l toca (oh avaro can!)
4Ghe deventasse d'oro in t'un supion,
Come l'à bù la gran sodisfazion
Infina de scambiarse in oro el pan,
Tocà i Cavei el t'avesse co le man,
8Deventai i sarìa in bota de oro bon.
Credistu mo però, co tuto che
I fusse d'oro bon, che tanto bei,
11Che tanto rari i fusse come i xe?
No: questo xe 'l so bel, la rarità,
Che i par oro, e 'l xe 'l biondo dei Cavei,
14Che i xe Cavei, ma i par oro filà.
