Pagina:Collezione delle migliori opere scritte in dialetto veneziano 4.djvu/65

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LIII


Se Mida, quel notissimo minchion
     Che à prega Baco per el so malan
     Che tuto quel che 'l toca (oh avaro can!)
     4Ghe deventasse d'oro in t'un supion,

Come l'à bù la gran sodisfazion
     Infina de scambiarse in oro el pan,
     Tocà i Cavei el t'avesse co le man,
     8Deventai i sarìa in bota de oro bon.

Credistu mo però, co tuto che
     I fusse d'oro bon, che tanto bei,
     11Che tanto rari i fusse come i xe?

No: questo xe 'l so bel, la rarità,
     Che i par oro, e 'l xe 'l biondo dei Cavei,
     14Che i xe Cavei, ma i par oro filà.