LIV
Co se vede Cavei desparechiai,
Butai zo per le spale e per el muso,
Senza manteca, senza polver suso,
4Se ghe dise Cavei da spiritai;
Ma i toi, Nina, quantunque sgrendenai,
Ingrintai, trati là tuti in confuso,
Co' per el più portarli ti ga in uso,
8I par sempre belòni più che mai.
Che come che i xe bei de so natura,
Giusto quela tal qual trascuratezza,
11Quel desordene e quela sprezzatura
Fa veder quanta xe la so belezza,
E senza ajuti d'arte, o cargadura
14Fa spicar tanto più la so biondezza.
