XXXII
Ah! quei Cavei co quel comando espresso
No m'avessistu, Nina, mai donà!
Ah! mi gramazzo in quel momento istesso
4No me li avessio al colo mai tacà!
Me par d'aver atorno de mi adesso
Quela fatal camisa insanguinà
Che Dejanira, fata zo da Nesso,
8A Ercole per vendeta ga mandà.
Un certo ardor pestifero, rabioso
I m'à impizzà nel sangue e ne l'interno
11Che temo, come lu, vegnir furioso.
No me conosso più, no me descerno,
Ora no go de ben, fià de reposo,
14Ah! Nina, regalà ti m'à un Inferno!
