Pagina:Collezione delle migliori opere scritte in dialetto veneziano 4.djvu/39

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


XXVII


Su la testa de Nina Amor unìo
     Se gera in lega coi so fradeleti,
     Tuti co l'arco in man armà e lestìo;
     4Che a vardarli i parea tanti Turcheti.

Parte, co' fa le celeghe in te'l nio,
     Stava quachi e imboscai fra i so rizzeti;
     Parte fava la ronda tuti brio,
     8Tendea parte a spiar de' quei toseti.

Amor, dei altri come assai più grando,
     Tuto in mezo a la Coa revolto e sconto
     11Tegnea in man la bacheta de comando:

Mi i me spetava, e co' i m'à visto in pronto
     Tuti m'à trato, e son restà, passando,
     14Da per tuto ferìo, da tuti ponto.