XXVIII
Co destende el so vel la negra note
Dorme fra le caene el presonier,
Dorme soto una pianta el pegorer,
4E 'l pelegrin sui sassi o su le mote;
Repossa i condanai ne le galiote,
Repossa in alto mar el mariner,
Repossa in mezo a l'arme anca el guerier,
8E fin le bestie e i osei per ciese e grote.
Tuti la note dorme e se repossa,
Tuti la brama, e mi anzi co la vien,
11Causa vu Drezze e Amor, me vien l'angossa
Che invece de dormir e repossarme,
Le intierissime note me convien
14Vegiar, sbasir, smaniar, zemer, smissiarme.
