Pagina:Collezione delle migliori opere scritte in dialetto veneziano 4.djvu/40

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


XXVIII


Co destende el so vel la negra note
     Dorme fra le caene el presonier,
     Dorme soto una pianta el pegorer,
     4E 'l pelegrin sui sassi o su le mote;

Repossa i condanai ne le galiote,
     Repossa in alto mar el mariner,
     Repossa in mezo a l'arme anca el guerier,
     8E fin le bestie e i osei per ciese e grote.

Tuti la note dorme e se repossa,
     Tuti la brama, e mi anzi co la vien,
     11Causa vu Drezze e Amor, me vien l'angossa

Che invece de dormir e repossarme,
     Le intierissime note me convien
     14Vegiar, sbasir, smaniar, zemer, smissiarme.