XVIII
Ò trovà Nina d'amarezza piena
Drento un camarineto solitario
In t'un deroto pianto straordinario
4Coi Cavei per le spale in susto e in pena.
La me parca deposta Madalena,
Dio perdonème (vedo che zavario,
Che 'l paragon xe massa temerario)
8Ai vostri pie del Fariseo a la cena.
Pianzea con ela Amor, e anca lu tristo
El gera e mesto, e quela è stà la sola
11Volta che Amor a pianzer xe stà visto.
Voleva domandarghe la rason,
Ma el dolor m'à ingropà la voce in gola;
14E a pianzer anca mi tacà me son.
