Pagina:Collezione delle migliori opere scritte in dialetto veneziano 4.djvu/31

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


XIX


No ti te pol pensar, Nineta mia,
     La pena che me dà quei ventesei
     Che te se cazza sempre nei Cavei,
     4E ghe zira e svolazza atorno via.

No miga che me daga zelosìa
     Quei matazzi insolenti de putei,
     Ma ghe n'è de baroni anca fra quei,
     8E tremar me fa el caso de Orizìa.

Co quel zogatolar, desmentegarse,
     I podarave (come mi da mato)
     11No i ga el so bon giudizio, inamorarse;

E strassinarte po ne le so grote,
     Come un dì de Orizìa Borìn gà fato;
     14E alora, Nina mia, felice note.