XII
"Erano i Capei d'oro a l'aura sparsi,
Che 'n mille dolci nodi gli avvolgea,
I', che l'esca amorosa al petto avea,
4Qual meraviglia se di subit'arsi?"
Petrarca, un tempo, mi no te 'l credea,
Ma po' co quei anca a mi me xe comparsi
De Nina, tanto rari i me xe parsi,
8Che destacarghe i ochi no podea;
E come ti per quei de la Laureta,
Anca mi restà son arso e desfato
11In quel gran dì per quei de la Nineta:
Cussì, Petrarca, un poco me consolo,
Che se al mio i ghe disesse un genio mato,
14Podarò almanco dir: ma no son solo.
