XCVI
De le barbare Belidi i crivei,
La rioda dal sacrilego Ision,
L'osèlo che da Tizio va a bocon;
44E de Tantalo l'acqua, e i pomi bei;
Tuti i castighi infin, tuti i mazzei,
Che zo a l'Inferno prova ogni baron,
L'Inferno istesso, senza adulazion,
88Me par proprio robète da putei.
Zogatoli i me par, minchionarie,
Confrontà co l'Inferno che ò de drento,
1111Coi me tormenti, co le pene mie.
Crudo Inferno in mi averto da una Drezza
Bela sì, ma crudel, e che un momento
1414No me lassa de pase e contentezza!
