XIV. Le Donne
Chi de le nostre Done dise mal
El comete un eror molto bestial.
Se 'l Cielo è vago per le vive Stele,
Lo xe anca el mondo per le Done bele.
XV. Il Vestito immodesto
Quando una casa coverta no xe,
La mostra de poder star poco in piè.
Cussì la Dona che scoverta vada
Par che la vogia far qualche cascada.
XVI. L'Imprudenza punita
Una Dona burlava un certo Puto
Che gera moro: Ti è un gran corvo bruto!
E questo che xe qua placidamente
Gh'à risposto cussì a sta imprudente:
I corvi core drio a ogni carogna;
Che ve vardè da mì donca bisogna.
