DIFFICOLTÀ DELLO SCRIVERE VERNACOLO
El par che sto mio stìl facile el sia,
E che scriva le rime come che
Le me vien su la pena. La falè
4Se credè questo; se' anzi in eresia;
Che ghe xe el so' dificile, per dia!
Molto più assae de quel che suponè.
Provève mo anca vu; e vedarè
8Se verità mi digo, opur busìa;
E se mo sto mio verso è natural,
Andante, e che no par gnente pensà,
11Provo molta fadiga a farlo tal.
A far facile la dificoltà
Bisogna aver in zuca un po' de sal,
14E lo giudica quei che ghe ne sa.
