Pagina:Collezione delle migliori opere scritte in dialetto veneziano 12.djvu/16

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


            Da recordarselo
            190E note e dì!
E cussì, per ste cosse,
    Vica vogio con mi; e se quel Sior
    Che vien per casa nostra, e che xe fio
    Del primo mercanton de Marzerìa,
    195Ghe dà per carità tuto el bisogno,
    E ghe manda ogni zorno el pan e 'l vin,
    No gh'è malizia, nè secondo fin;
    E se lasso che i vaga, povereti,
    Soli in Piazza e ai Casoti el Carneval,
    200Mi son secura che no ghe xe mal;
    E se ghe tira dreto el so negozio,
    Come gramo lu spera,
    Chi sa che un dì nol ghe meta anca la vera!
    Comare, per parlar de ste mie fie
    205Squasi mi son andada
    Fora de carizada,
    Nè v'ò conta de quela sporca el megio
    Ch'i ga fato una volta in Canaregio;
    Ma se volè saver tuta l'istoria
    210Sin dal principio al fin, col con e 'l ron,
    Ve menarò doman Siora Vitoria.
    Vago intanto da basso, che ò sentìo
    A sonar Nona, e aspeto mio mario.
Questi xe i Pater nostri, e le Corone
    215De ste maledetissime Donète.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_12.djvu/16&oldid=61971"