Pagina:Collezione delle migliori opere scritte in dialetto veneziano 11.djvu/107

Pien de inzegno pien de sal,
Col palor sentimental,
Che 'l ve par apena vivo,
Lo gavè nel Sensitivo.
     45La fraganza più odorosa
Spande a l'aria bela rosa;
Abiè ochio nel tocarla,
Contenteve de vardarla.
No s'a visto mai Zardin
50A dar rosa senza spin.
Compatisci, son sincero,
Ma sta Rosa ti è ti Piero:¹
     E l'amabile Dotor,²
Che del tragico dolor
Tanto aprezza el mesto canto,
55Lo gavè ne l'Amaranto.
     Un poeton de prima sfera,³
Che xe nato in altra Tera,
Che pol star ardito a fronte
Fin dei Mazza e Pindemonte,
60Sarà un fior, ma dei più rari
A le Bele tanto cari,
Se spogiarse el podarà
De la solita umiltà.

1. Pietro Buratti.
2. N. U. Vittore Benzon.
3. Giuseppe Bombardini.