AI RIFORMATORI CONTRO LE NUOVE REGOLAZIONI
Cossa diavolo feu regolazion
Sora le Messe e su le Fraterìe,
Da far scandalezar l’aneme pie,
4Quasi che no gavessi religion?
Eh via, tiolè per man con più rason
Sta libertà, sto lusso, ste angarìe,
Ste trupe, sto arsenal, ste mercanzie,
8Che pur tropo le xe in desolazion!
Da ogni banda nu semo circondai
E per tera e per mar da questi e quel
11De nu, tuti e po tuti, desgustai;
E romperse volèmo nu i cervei
Su cosse che no val i so pecai?
14Voleu che ve la diga? oh semo bei?
