LA MODA CORRENTE
Conzier da furie, mate spiritae;
Cavei sul muso sempre sparpagnai,
Colo nuo afato e in colo ben spalae,
4E do peti mostrar sempre spacai;
Un tagio sul bustin da relassae,
Sporto in fora da drio come i tolai,
Cotole e veste curte e curte assae,
8E sfiamesanti veli sui cendai;
Calza bianca e mulete e gran cordele,
Puzae con languidezza sul Servente,
11Caminar da pitoche o Buranele;
Ochio lascivo in ziro e seducente;
Sedizioso el parlar, sia brute o bele,
14Questa in le Done xe moda corente.
