SULLE INNOVAZIONI CONTRO I FRATI
Mi ancora tuto pien son de spavento
E da la testa a i pie racapricià
Co me recordo quel che xe stampà
4Su la Scritura d’Oza, se no mento;
Perchè sol per aver l’Arca, in cimento
De roversarse in tera, sostentà,
L’è stà da Dio sul fato sentenzià,
8E l’è cascà là morto sul momento.
Ma se Dio no à volesto in lu scusar
Un trasporto de zelo, che quel santo
11Deposito gh’à fato profanar,
Cossa sarà (se tanto me dà tanto)
De chi tien per vaghezza de mal far
14L’Arca e i Leviti tra l’infamia e ’l pianto?
