I sarà dei zibaldoni:
Ma che sia quel che se sia,
El li vende; e i libri boni
Xe per lu quei ch'el dà via.
Al teatro d'ordinario
Tuto sa da stufaizzo:
Guai se manca a l'impresario
La risorsa del pastizzo!
El falisse certamente,
Lo sa dir i sonadori,
Che i pastizzi chiama zente,
Che i pastizzi fa furori.
E le done? Son a zorno
Anca mi dei so secreti:
Le ga sempre pien el forno
De gustosi pastizzeti.
Quante brave cameriere
Col paron vechio galeto
Le sa in tutte le maniere
Contentar co sto licheto!
Quante tose matarele
Per la vogia del novizzo
No pol star ne la so pele,
E le fa qualche pastizzo!
