Pagina:Assedio de Venezia.djvu/44

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XXXVI.


Le popolane e le patrizie insieme,
Le mule co le sede e i stivaleti:
Ste qua a Manin ghe porta e perle e geme
Brilanti, solitari e brazzaleti.

St'altre el manin ghe porta o i pontapeti
E, s'altro no le ga, — tanto ghe preme
De 'giutar la so patria ai povareti —
La vera le ghe dà... Drento le freme

Per sta çità che sofre a tute l'ore,
Tuto quanto per colpa d'un straniero
Che lore stesse no le vol tra lore.

Manini e anei, no, più no i serve a un zero
Perchè, sia per le povare e le siore,
Se ga co l'oro da crompar el fero.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/44&oldid=61817"