Pagina:Assedio de Venezia.djvu/26

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XVIII.


Cocarde in ziro e in t'un stendardo i cassa
Sù la nostra bandiera benedeta:
Ma i croati i xe qua svelti, ostregheta,
E la bandiera i vol che zò se sbassa.

Deboto!... E, intanto, nù se se la spassa
A le so spale; e lori a bagioneta
Vol caregar la fola, che li speta
Coi mazegni cavai via da la piassa.

E nasse, alora, un tibidoi tremendo:
Fusilae lori e tochi de mazegno
Nù ghe butemo — che momento orendo!

Pò l'odio, in Arsenal, 'riva a un tal segno
— E gati in saco mì no ve ne vendo! —
Che 'l xe pronto a s'ciopar senza retegno!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/26&oldid=61797"