Pagina:Assedio de Venezia.djvu/27

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XIX.


No la xe eterna la pazienza e xe
L'ultimo goto quelo che imbriaga:
E dài! ti dài! per diambarne, savè,
Che a sto mondo, a la fin, tuto se paga.

Le maëstranze speta che lù vaga
In Arsenal, e, come ve pensè,
Ghe bogie el sangue e lù, simben che 'l staga
Lontan da lore, un morto el par... Scoltè:

Perso afato Marinovich se vede..
Ma, col s'incorze ch'i va drio de elo,
In t'una tore de salvarse el crede...

E cresse i urli e sempre più 'l bordèlo...
St'altri lo zonze.. lu ghe casca in rede...
E i lo impira in t'un speo come un oselo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/27&oldid=61798"