XVII.
Quando che in Piazza l'è riva Manin,
No se podeva trar un gran de megio;
Che se trovava, entusiastai, vissin
Quei de Castelo e quei de Canaregio.
Mutrie no gh'era più, più nissun pegio,
Amiçi tuti, ognun l'è çitadin
De la stessa çità... ma gh'è de megio:
Che Manin parla in pìe s'un tavolin.
Quel che l'à dito drento mì lo go,
Lo go qua drento in testa e drento in cuor,
Ma, credème, ripeterlo no so.
So che un zigo nol xe, ma l'è un furor:
Viva l'Italia e più la libartà,
Manin e Dìo che ne lo ga mandà! —
