Pagina:Assedio de Venezia.djvu/25

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XVII.


Quando che in Piazza l'è riva Manin,
No se podeva trar un gran de megio;
Che se trovava, entusiastai, vissin
Quei de Castelo e quei de Canaregio.

Mutrie no gh'era più, più nissun pegio,
Amiçi tuti, ognun l'è çitadin
De la stessa çità... ma gh'è de megio:
Che Manin parla in pìe s'un tavolin.

Quel che l'à dito drento mì lo go,
Lo go qua drento in testa e drento in cuor,
Ma, credème, ripeterlo no so.

So che un zigo nol xe, ma l'è un furor:
Viva l'Italia e più la libartà,
Manin e Dìo che ne lo ga mandà! —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/25&oldid=61796"