Pagina:Assedio de Venezia.djvu/24

Da Wikisource
Sta pagina la xe stà trascrita, ma la gà ancora da vegner rileta.
XVI.


Sora le nostre spale li portemo,
E che superbia e che sodisfazion!
Fra 'l delirar de la popolazion
Fin in Piazza portai nù li gavemo.

Gh'era anca mì; lassà, quel dì, zò 'l remo
M'ò trovà in mezo a quela confusion;
No credème un buziero o un boridon
Se, a quel zorno pensando, ancora tremo!

Ola, sentìme: nell'issarli — aseo! —
Sora la spala, m'à tocà sul naso,
E minga a pian, un pìe del Tomaseo.

Ma mi credeu che gabia fato caso
De sta peada che xe qua?... Marmeo!...
A quel pìe santo go dà, invese, un baso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/24&oldid=61795"