Pagina:Assedio de Venezia.djvu/21

Da Wikisource
Sta pagina la xe stà trascrita, ma la gà ancora da vegner rileta.
XIII.


E mìo nono, mio nono?... Un solfarin
De quei che, alora, ghe ne gera tanti.
Scoltè, fìoi mìi, sta qua: da drìo do santi
Cossa metelo, mai, sto pevarin?...

Co vien amiçi in casa, a pian pianin
La tola el cava e pò 'l ghe dise: — Avanti
De vardar, zò 'l capelo! — E quei, davanti
Tomaseo no se vèdeli e Manin?...

I xe co la tracola a tre colori...
E a san Piero el ghe dise e a San Giovani,
Indicando quei dò soto de lori:

― Scusène tanto se quei dò, par ora,
Xe i nostri santi; fé' 'ndar via i patàni
E i nostri santi tornarè vù ancora! —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/21&oldid=61792"