XII.
Cocarde in casa ghe n'aveva tante
Che de più sgagie no podeva darse;
Che colori, fioi mìi, da inamorarse
Da far tremar da la testa a le piante!
Spìa pur ciamème... lasagnon.... birbante
Se no ve digo el vero — ma voltarse
Vedeva tuti e, fermi là, vardarse
Fra lori e dir: — Quante cocarde, quante! —
Rosso de anguria e bianco de gioncada
In ciesa e in cale, sul balcon e in strada
Le se vedeva a comparir... cò bele!
E gera, ste cocarde, le putele
Mìe, mìa muger de late e vin formada;
El verde.... el gera in te le mìe scarsele!
