Pagina:Assedio de Venezia.djvu/19

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XI.


Imaginarse mì... mì, che fumava
Un paco cussì grando al dì de fogia,
Che tiramento oribile, che vogia
De pipar, note e dì, me tormentava!

Imaginève, pò, se ghe tirava
El naso a mìa madona, a quela zogia
Che gera stada sempre la mìa dogia!...
Epur, la ga volesto far la brava.

Quando che 'l naso ghe tirava massa,
La tabacava pevare o canela
O làvreno brusà... ma salda, cassa!

L'azion più bona che l'à savuo far...
Fogo ai sigari nàin, porca mastela!...
A l'Austria fogo ghe volemo dar!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/19&oldid=61789"