Osman e Momola

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 245 modifica]
OSMAN E MOMOLA.


Done care, done bele,
     Cossa mai voleu de più?
     Ah! gavè tra carne e pele
     Qualche magica virtù!
5Siè pur vedove, siè pute
     (Ghe scometo, se volè)
     Tute quante, tute, tute,
     Circum circa la gavè,
Gh'è nissun che ghe resista?
     10No lo credo in verità:
     Chi pol mai formar la lista
     Dei prodigi che la fa?
Al brilar de do pupile,
     Al sorider d'un bochin
     15Branca in pressa el fuso Achile,
     Torna Alcide in bocassin.
Per vu el mato fa giudizio;
     Deventè la so rason:
     Vu fe norma del caprizio,
     20D'un filosofo un bufon.
Sempre averta a becar cuori
     Vu la trapola tegnì.
     Chi se ingambara, schiao siori,
     Co l'è drento lo sbasì.
25Done care, done bele,
     Cossa mai voleu de più?
     Ah! gavè tra carne e pele
     Qualche magica virtù.
A sto proposito:
     30Co gera a Tripoli,
     Vint'ani fa,
     Meemè gianizzero
M'à un dì contà,
     Che là sul Bosforo,
     35El primogenito
     De Tamerlan
(Che xe stà 'l celebre
     Sultano Osman)
     Secondo el solito
     40Gaveva un florido
Seragio pien

[p. 246 modifica]

     Tuto de Veneri...
     Ascoltè ben.
     Qua ochieti languidi
45De amor in gringola,
     Che dise: Oimè!
     Oh casco in sincope,
     Moro alafè.
Là negri fulgidi
     50Co cento diavoli,
     Che dise: oibò,
     Va pur e brusite,
Ma co mi no.
     De qua un perlifero
     55Soave, tepido
     Gentil bochin
De coral morbido
     E de rubin;
     De là biondissime
     60Chiome, che picola
Sie quarte e più,
     E in drezze, e in bucoli
     Vien zo, va su.
     Svelta discepola
65Qua de Tersicore,
     Che in bianco vel
     Par tra le nuvole
     Scesa dal ciel;
Grazie la semena
     70Col penin celere
     Lizier cussì;
     Che 'l vedè a moverse,
Ma nol sentì;
     E intanto armonici,
     75Deolini candidi,
     A quatro, a tre,
Saltela e bagola
     Su l'oboè.
     Ma ste delizie,
     80Conforto e balsamo
D'ogni mortal,
     Per Osman proprio
     Xe senza sal.
     La bela Momola
85(Che gran de pevare!
     Che mato umor!)
     Ga ponto l'anima,
     Ga robà 'l cuor,
Vardela, tochela?

     90Lu core subito
     A basar là;
     L'adora in estasi
Quel che la fa;
     Per farghe i nobili
     95Doni magnifici
     Che 'l voria lu,
L'Indie xe povere,
     Spogio el Perù.
     Ogni dì splendide
     100Stofe d'egregio
Lavoro fin
     Sfioca dal Messico
     O da Pekin;
     Per ricamarghele
105L'agata e l'opale
     Indrio nol tien,
     Le perle a sessole
     Ghe svoda in sen.
Curte; i caprizi
     110Tuti de Momola
     Xe per Osman
     Decreti altissimi
De l'Alcoran.
     Una note, ma che note!
     115Chiara, placida, superba,
     Stava Osman sentà su l'erba
Co la Momola in zardin.
     Va increspando la marina
     Fresco fresco un zefireto,
     120Che a la bela in corsiereto
Fa tremar el cotolin.
     No gh'è luna; tase 'l bosco,
     Tuto atorno xe tranquilo;
     Al più canta qualche grilo,
125E in lontan un russignol.
     Spesso atorno ai do morosi
     Slarga e strenze le so alete,
     Matizzando fa baossete,
Scampa e torna 'l lusariol.
     130Strucolandoghe i zenochi,
     Sbasuchiandoghe le man,
     Pende assorto in quei bei ochi
Semivivo el Musulman.
     E qua i critici pretende
     135Che i do amanti a brassacolo
     Far de do volesse un solo...
No voi dir quel che no so.

[p. 247 modifica]


Co no vedo mi no credo,
     E co vedo vardo e taso,
     140Ghe xe forsi cascà un baso,
     E l'invidia tagia zo.
Tut'a un trato Momoleta
     De un spernachio sul confin
     Spuntar vede una steleta
     145Col so lampo cristalin:
«Oh co bela! oh dio co bela!
     Varda, Osmano, che splendor!
     Quela stela, quela stela...
     Ah! ghe lasso suso el cuor. —
150— Vita mia, risponde Osmano,
     Per pietà no ghe pensar...
     Che tormento! oh dio! che afano
     No podertela donar.»
Done care, done bele,
     155Cossa mai voleu de più?
     Ah gavè tra carne e pele
     Qualche magica virtù!
Ma per altro po, sorele,
     Cussì a dirsela tra nu,
     160O fe 'l manego a le stele,
     O lassele star la su.