Omeni e gati

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
III. Omeni e gati
1892
←  II. A tuti Edission e fonte ▼ IV. A ela  →
[p. 66 modifica]
III.


OMENI E GATI


Senti: sui copi do gati sgnaola
In libertà.
Sentili, i parla. Coi so vocaboli
4L'amor i fa.

Chi sa che bele parole tenere
Ghe deta el cuor;
Chi sa che storie, chi sa che lagreme
8Piene de amor.

S'el nostro stato, Ema, podessimo
Col soo cambiar,
E sora i copi tirarse liberi
12A smorosar!

[p. 67 modifica]


Liberi e soli, fora dei strepiti
Tirarse là.
Soto el bel çielo, lontan dai omeni
16Farse el sofà.

Oh quanto megio sto nostro prossimo,
Ema, scordar.
Scordar ste nostre lote ridicole
20E vegetar.

Viver la vita dei gati, povera
Fin che volè;
Ma senza noie, ma senza stupida
24Zente fra i piè.

Là sora i copi coi so vocaboli
Filar l'amor,
E, nei momenti d'ozio, dei omeni
28Rider de cuor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Omeni_e_gati&oldid=42602"