Note de luna

by Giovanni Ceriotto

3 Note de luna Poesie veronesi In giardin In cesa verso sera Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Note de luna

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  In giardin

Edission e fonte ▼

In cesa verso sera  →

Note de luna

     Che note!¹ I pra² i dormiva; ma de sora
un ventesin mandado a far la ronda,
el sbisegava da par lu a quel'ora,
par dirghe a i oseleti che i se sconda;

     e con l'urtar le piante, dentro e fora,
parea el cantasse come canta l'onda,
quando la luna, quela gran sartora,
la va vestir e inamorar la sponda.

     Le rame, co la testa al siel voltada,
dir le pareva, dindolando al vento,
de ris-ciarse³ a piantar 'na serenada;

     e movendose insieme a sento a sento,
le ghe intonava 'na canson sfumada,
fin a le stele e a la luna d'argento.

---

Note

1. note: notte
2. pra: prati
3. ris-ciarse: arrischiarsi