Non occorre stupirse, caro amigo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Diseme, cosa xelo? | Edission e fonte ▼ | Sò, che assae ti disaprovi → |
Non occorre stupirse, caro amigo,
Se nel Mondo ghe xe tante opinion,
Savè, che le xe tutte fissazion,
4E questo xe un proverbio, che xe antigo.
Chi fissa d'impiegarse in un intrigo,
Chi fissa a far la vita del poltron,
Chi fissa de star sempre in orazion,
8Chi fissa de se stesso esser nemigo.
Chi fissa nei onori, e chi in sprezzarli;
Chi fissa in vestir ben, e chi alla bona,
11Chi fissa de far bezzi, e chi a strazzarli.
Gà el so vario pensar ogni persona,
Chi fissa nei puntigli, e a chi a schivarli,
14A dirvela, per mì fisso in la Mona.